PANGABUDLAY

ADVISORY: The following compositions contains words and phrases uncommon and not understandable by the Generation-X. Ancestral explanation is advised.



Pangabudlay


Ang akon mga rehas hay ang tubi sa palibot
Nagapanampu-ay sa paglantaw,ang uyahon ga kurinot,
Guinabilang ang mga adlaw kun san-o makasampot
Kasarawa, paliwat-liwat, kung dumdumon daw karaugot.

Sa uran, init,kag ramig ako naga agwanta
Dugangan pa it kasubo, mingaw kag kabalaka,
Ang akon mga siki daw may higot kag kadena
Indi guid makabuhi bisan ano nga balanta.

Kada adlaw ang kaatubang hay puro sansalon
Mga kalawang kag pintura,daw ikaw hay guin uripon,
Bisan ano kabudlay sige lang ang padayon
Ang pag-antos may kabaylo bug-at man ang pas-anon.

Madulom ang gab-i ako hay nag amulaw
Mukrat ang mga mata,ang gabi-i naging adlaw,
Sobrang duyog kag pilay daw noot magkadlaw
Abo pa ang bulohaton indi guid pwede maglikaw.

Sa sarile may pangutana “basi odya ako?”
Ang sabat,”ragya ang guina handum hasta kadya,tuna kato”,
May peligro kag kabudlay,padayon lang sa pag rombo
Sa paghikot may kaupod,gamhanan nga Guinoo.